تبلیغات
anadilimiz=varlığımız - Hə, de görüm, nə oldu bəs
1391/02/14

Hə, de görüm, nə oldu bəs

   یازان: araz azeri turk    بولوم :هوپ هوپ نامه hophopname ،

Hə, de görüm, nə oldu bəs?

 

, de görüm, nə oldu bəs, ay balam, iddəaların?

Tutmuş idi yeri, göyü nalələrin, nəvaların....

Yoxsa qanıb da eybini boşlamısan ədaların?

Şimdi, hərif, söz haman mən deyən oldu, olmadı?

 

Sən demədinmi, sağlamam, yox bədənimdə bir mərəz?

Mən demədimmi, nəfsinin əslinə hirs olur ərəz?

Sən demədinmi, şəxsimə əl tapa bilməyib qərəz?

Та ki, olundu imtəhan, mən deyən oldu, olmadı?

 

Əncümən əhlinin, qoçaq, sən demədinmi, bir təki

Verməyəcək riza gələ ölkəmizə Ətabəki?!

Noldu ki, tez boşaldı bəs iş görən əncüməndəki?

Köhnə qapı, haman daban, mən deyən oldu, olmadı?

 

Sən о deyilmidin, dedin: dumdur ümidgahımız?

Mən demədimmi, var buna dumduru iştibahımız?....

Bakı vəkili getdimi, oldumu dadxahımız?

Get, hələ xamsan, dolan, mən deyən oldu, olmadı?

 

Sən demədinmi, dumada rəf olur ehtiyacımız?

Mən də dedimmi, çox yemə, tez pozular məzacımız?....

Qara bulutlar oynaşır, indi nədir ilacımız?

Çulğalayır bizi duman, mən deyən oldu, olmadı?

 

Sən о deyilmidin, dedin: var bizim ittihadımız?

Mən də, yadında var, dedim: yox buna etimadımız....

Büğzə, nifaqədir bizim qeyrətü ictihadımız....

Pərdə açıldı nagəhan, mən deyən oldu, olmadı?

Mirzə ələkbər sabir

هه، دئ گؤروم، نه اولدو بس؟ 

   

  هه، دئ گؤروم، نه اولدو بس، آی بالام، عیده آلارین؟  

  توتموش ایدی یئری، گؤیو ناله لرین، نوالارین....  

  یوخسا قانیب دا عئیبینی بوشلامیسان ادالارین؟ 

  شیمدی، هریف، سؤز هامان من دئین اولدو، اولمادی؟ 

   

  سن دئمه دینمی، ساغلامام، یوخ بدنیمده بیر مرض؟  

  من دئمه دیممی، نفسی نین اصلینه حیرص اولور ارز؟   

  سن دئمه دینمی، شخصیمه ال تاپا بیلمه ییب غرض؟  

  Тا کی، اولوندو ایمتهان، من دئین اولدو، اولمادی؟ 

   

  انجومن اهلی نین، قوچاق، سن دئمه دینمی، بیر تکی  

  وئرمیه جک ریزا گله اؤلکهمیزه اتابه کی ؟!  

  نولدو کی، تئز بوشالدی بس ایش گؤرن انجومنده کی ؟ 

  کؤهنه قاپی، هامان دابان، من دئین اولدو، اولمادی؟ 

   

  سن او دئییلمیدین، دئدین: دومدور اومیدگاهیمیز؟  

  من دئمه دیممی، وار بونا دومدورو ایشتیباهیمیز؟....  

  باکی وکیلی گئتدیمی، اولدومو دادخاهیمیز؟ 

  گئت، هله خامسان، دولان، من دئین اولدو، اولمادی؟ 

   

  سن دئمه دینمی، دومادا رف اولور احتییاجیمیز؟ 

  من ده دئدیممی، چوخ یئمه، تئز پوزولار مزاجیمیز؟.... 

  قارا بولوتلار اویناشیر، ایندی ندیر ایلاجیمیز؟ 

  چولغالاییر بیزی دومان، من دئین اولدو، اولمادی؟ 

   

  سن او دئییلمیدین، دئدین: وار بیزیم ایتتیهادیمیز؟  

  من ده، یادیندا وار، دئدیم: یوخ بونا اعتیمادیمیز....  

  بوغزه، نیفاقه دیر بیزیم غئیرتو ایجتیهادیمیز.... 

  پرده آچیلدی ناگهان، من دئین اولدو، اولمادی؟ 

  میرزه علی اکبر  سابیر