تبلیغات
anadilimiz=varlığımız - tərpənmə, amandir, bala, qəflətdən ayilma!

tərpənmə, amandir, bala, qəflətdən ayilma!

 

 

 

 

Tərpənmə, amandır, bala, qəflətdən ayılma!

Açma gözünü, xabi-cəhalətdən ayılma!

Laylay, bala, laylay!

Yat, qal dala, laylay!

 

Aldanma ayıqlıqda fəraqət ola, heyhat!

Qəflətdə keçənlər kimi ləzzət ola, heyhat!

Bidar olanın başı səlamət ola, heyhat!

At başını yat, bəstəri-rahətdən ayılma!

Laylay, bala, laylay!

Yat, qal dala, laylay!

 

Açsan gözünü rəncü məşəqqət görəcəksən,

Millətdə qəm, ümmətdə küdurət görəcəksən,

Qıldıqca nəzər millətə heyrət görəcəksən,

Çək başına yorğanını, nikbətdən ayılma!

Laylay, bala, laylay!

Yat, qal dala, laylay!

 

Bir ləhzə ayıldınsa, qutar canını, yuxla,

At tiryakını, çək, baba, qalyanını, yuxla,

İncinsə sağın, ver yerə sol yanını, yuxla,

İllərcə şüar etdiyin adətdən ayılma!

Laylay, bala, laylay!

Yat, qal dala, laylay!

 

Goz nurudur uyqu, onu dur etmə gözündən,

Yol vermə məbada çıxa bir ləhzə sözündən,

Amma elə bərk yuxla ki, hətta get özündən,

Afaqı dutan şurü qiyamətdən ayılma!

Laylay, bala, laylay!

Yat, qal dala, laylay!

Mirzə ələkbər sabir

 

  ترپنمه، آماندیر، بالا، قفلتدن آییلما! 

  ترپنمه، آماندیر، بالا، قفلتدن آییلما!  

  آچما گؤزونو، خابی-جهالتدن آییلما! 

  لایلای، بالا، لایلای! 

  یات، قال دالا، لایلای! 

   

  آلدانما آییقلیقدا فراقت اولا، هئیهات!  

  قفلتده کئچنلر کیمی لذت اولا، هئیهات!  

  بیدار اولانین باشی سلامت اولا، هئیهات!  

  آت باشینی یات، بسطری-راهتدن آییلما! 

  لایلای، بالا، لایلای! 

  یات، قال دالا، لایلای! 

   

  آچسان گؤزونو رنجو مشققت گؤره جکسن،  

  میلتده قم، اوممتده کودورت گؤره جکسن،  

  قیلدیقجا نظر میلته حئیرت گؤره جکسن،  

  چک باشینا یورغانینی، نیکبتدن آییلما! 

  لایلای، بالا، لایلای! 

  یات، قال دالا، لایلای! 

   

  بیر لحظه آییلدینسا، قوتار جانینی، یوخلا،  

  آت تیریاکینی، چک، بابا، قالیانینی، یوخلا،  

  اینجینسه ساغین، وئر یئره سول یانینی، یوخلا،  

  ایللرجه شوعاعر ائتدیگین عادتدن آییلما! 

  لایلای، بالا، لایلای! 

  یات، قال دالا، لایلای! 

   

  گوز نورودور اویقو، اونو دور ائتمه گؤزوندن،  

  یول وئرمه مبادا چیخا بیر لحظه سؤزوندن،  

  آما ائله برک یوخلا کی، حتّی گئت اؤزوندن،  

  آفاقی دوتان شورو قییامتدن آییلما! 

  لایلای، بالا، لایلای! 

  یات، قال دالا، لایلای! 

  میرزه علی اکبر  سابیر 

  یئددی 

  تؤهمت ائدیر قزئتچیلر، -- مشری-ناسی بیر بئله 

  تؤهمت ائدیر قزئتچیلر، -- مشری-ناسی بیر بئله.... 

  اؤزلری نین اینان کی، یوخ فهم و ذکاسی بیر بئله.... 

   

  من کیمی آقیل اولسالار شوغل ائده لر اوغورلوغو، -- 

  زحمتی، رنجی بیر بئله!.. ذؤوقو صفاسی بیر بئله.... 

   

  جومله معاریف اهلی نین حالتی گؤز اؤنونده دیر،-- 

  وجهی-ماشی بیر بئله!.... دردو، بلاسی بیر بئله.... 

    

  مادری-ائلمه سؤیله نیر مریمه سؤیلنن توهم،  

  علمین آناسی بیر بئله!.... جهلین آتاسی بیر بئله.... 

   

  من دلییممی اوغلومو مکتبه، درسه سؤوق ائدم؟  

  درسین ازاسی بیر بئله!.... خلقین اداسی بیر بئله.... 

  میرزه علی اکبر  سابیر