تبلیغات
anadilimiz=varlığımız - یاغدی یاغیشلار : بهرام اسدی

یاغدی یاغیشلار : بهرام اسدی

 

اللاه یارادیب

یئرده گئدن قاریشقا

قولقول  ائدن هوندوشقا

هر قیلیغی هر دونو

اللاه یارالدیب اونو

سایسان هر گئجه یاری

گؤیده کی اولدوزلاری

سایانمازسان یوخ سونو

اللاه یارالدیب اونو

گوللنیر باغچا یازدا

قیزیللانیر پاییزدا

قیشدا وار قاری-دونو

آللاه یارالدیب اونو

********************

ادبلی

سلام سلام اشاقلار

سیزه نئجه سؤزوم وار

ادبلی دیر چون ادیم

بالدان شیرین دیر دادیم

سئویرلر منی هامی

چون  وئریرم سالامی

فیرچالارام دیشیمی

قویمام قالا ایشیمی

اوست- باشیم تر- تمیز

اودورکی اولدوم عزیز.

********************

 

یاندی -   قندی

تزه درسه گئدیردیم

درسی ازبر ائدیردیم

درسه گئتمیردی سونا

قینی قینی وئردیم اونا

آنام دئدی پیس دی بو

بیر ایل سونرا گؤر اونو

سن تک دولار بوی باشا

درسه گئدرسیز قوشا

********************

خوروز

سحر واختی بیر خوروز

چیخدی دووار اوستونه

یوخوجیل اوشاخلارین

چکدی هاوار اوستونه

اویانین بسدیر یوخو

سحردیر قوققولوقو

تئز یئتر مورادینا

ائرته دوران بخته ور

هر کیم سحرلر یاتار

باخت اونا دال دؤنده ره ر

قویمایین یاتسین اونو

سحردیر قوققولوقو

باخ سیزی گؤزله ییر

باغلارداکی یئمیشلر

قاریشقا ده ن داشیییر

اویناخلاییر چپیشلر

چیخیبدیر چؤله قوزو

سحردیر قوققولوقو

بوشلا آی گؤزه ل بالام

تنبل چیلیک سؤزلرین

آچ سحره گؤزلرین

سپ اوزونه سرین سو

سحردیر قوققولوقو