تبلیغات
anadilimiz=varlığımız - یاغدی یاغیشلار : بهرام اسدی5

آتا جان

آتا جان بو ائوین باهاریسان سن

قلبیمین ان عزیز نیگاریسان سن

ائوین یاراشیغی اویاریسان سن

بو سؤزده گؤرموره م ذره جه خطا

گؤیلومون ایسته یی سن سن آی آتا

 

قوربانام او تمیز آری قلبیوه

سالیبدیر رحمتین تاری قلبیوه

صفا ایله دولو دورو قلبیوه

مئحنتی نه گه ره  ک آددیمین آتا

گؤیلومون ایسته یی سن سن آی آتا

 

گؤنول اونوتماییب سنین عشقینی

آتا جان آتماییب سنین عشقینی

اؤزگه یه قاتماییب سنین عشقینی

اولارمی عشقیده ن بو بالان آتا

گؤیلومون ایسته یی سن سن آی آتا

********************

آنامین سؤزلری

آنام منه بئشیییمده

بیر اینجی بیر دوور دئییبدی

ظالملارین سؤزلرینده ن

بوینونو سن بور دئییبدی

نه قه دهر زوربا اولا

قاباغیندا دور دئییبدی

عدالتی یئر اوزونده

گؤز- به به ییم قور دئییبدی

زور دئییه نین ته په سینده ن

وار گوجویله وور دئییبدی

اوزاخ یوللار یاخین اولار

مین آتینی سور دئییبدی

دؤنه-دؤنه آنام منه

نه ننیده بو جور دئییبدی

دوسلوغیله مه حه ببتی

اوره کلره نور دئییبدی

********************

 

 

 

 

 

 

 

 

 

 

 

 

 

 

قیزیم

قولاغ آس دینله منی

آتادان کوسمه قیزیم

آتانین سؤزلرینه

بورنونو قیسما قیزیم

 

آزریستان قیزی سان

گولشه نیمین یازیسان

ائویمین اولدوزوسان

تانیش اول رسمه قیزیم

 

مثل اول متانه ته

ده یه ر اول له یاقه ته

هر ائوه هر حه یه ته

آیاغین باسما قیزیم

 

گودمه چوخ ایپ اوجونو

کوچه نین توخ-آجینی

بوشلاییب ایش – گوجونو

قاپینی کسمه قیزیم

 

حیاوی قات حایاما

سه سینی هئچ قووزاما

حاخ باتان یئرده آما

نعره چه ک سوسما قیزیم

********************

 

 

قاتار

بورولور ایلان کیمی

نه سویو وار نه یئمی

سیقنالی وار اوو – اوو

یول گئتمه یه دووها دوو

ته په لرده ن یئل کیمی

ده ره لرده ن سئل کیمی

کئده ر مقصه ده چاتار

آدین ایسته سه ن ,قاتار

********************

کوفلان

کوفلانیمی قورموشام

کوفلان دا اوتورموشام

ییرقالانیرام خوشجا

اوخویورام یاواش جا

ییرقالان  ها ییرقالان

تنبل دیر یئرده قالان

قوی ایپیندن آسلانیم

ییخما منی کوفلانیم

********************

فاطما قیزیم دو چای قوی

ائممیزی سوپور ناهار قوی

من بو چایی ایشمه ره م

دروازه ده ن گئشمه ره م

دروازه منیم اولسون

ایپک تومانیم اولسون

گیییم گئدیم مکه یه

مکه ده تویوم اولسون

قیزلار گلسین تویوما

قوربان اولسون بویوما

 

********************