تبلیغات
anadilimiz=varlığımız - نقاش
1397/05/25

نقاش

   یازان: araz azeri turk    بولوم :ozumunkulerئوزومونکوله ر ،

نقاش
آل بوم‌لا قه‌له‌م، هه‌ر نه چه‌کیرسه‌ن چه‌ک ئوره‌کده‌ن
قه‌م چه‌کمه گولوم، واللاهی قه‌م چه‌کمه‌یه ده‌یمه‌ز

هه‌ر بیر اوشاغین گؤزله‌ری دولسون گولوشوینه‌ن
گؤزیاشلاری سیل، په‌رده‌ده نه‌م چه‌کمه‌یه ده‌یمه‌ز

گؤرسه‌ن کی ده‌ییرسه‌ن بیری‌نین خه‌طرینه هه‌رده‌ن
چه‌کمه نه‌فه‌سین، بیر بئله ده‌م چه‌کمه‌یه ده‌یمه‌ز

دولدور بویاغا هه‌ر گئجه‌میز گوندوزه دؤنسون
یاندیر گونه‌شی بیرده‌نه شه‌م چه‌کمه‌یه ده‌یمه‌ز

چه‌ک جیزمانی دوز، دوزلوی اییب ایرینی هه‌ر واخت
چک دوزلویو، دوز واردیسا خه‌م چه‌کمه‌یه ده‌یمه‌ز

قوی داغدا هاوا آینا کیمی دوم دورو اولسون
گوی قورشاغینین اوستونه چه‌م، چه‌کمه‌یه ده‌یمه‌ز

اینسانلیغا گه‌لسه‌ن قه‌ده‌مین گؤزله‌ریم اوسته
گه‌لدین داها گئتمه بو قه‌ده‌م چه‌کمه‌یه ده‌یمه‌ز

اک چه‌لتییی بیش بوغدانی آی که‌تدی موصئییب
اکمه که‌له‌می چونکی که‌له‌م ا‌کمه‌یه ده‌یمه‌ز